þá eru liðnir 27 dagar síðan að ég neytti áfengis og reykti mínar ljúfu Kings. Það er samt allt í lagi með mig. Þetta er reyndar búið að fara dálítið í taugarnar á karlpeningnum í kringum mig. Nú er það ekki lengur ég sem kem síðastur heim eftir bæjarferð eða "stutt" stopp í kjallaranum. Nei og það er ekki lengur ég sem tæli menn í suddafullt fillerí á þriðjudögum (í aprílmánuði).
Málið er það að við skandinavíubræður skoruðum á hvorn annan að drekka hvorki né reykja í apríl til að sýna fram á það að maður væri nú ekki háður þessum "lystisemdum lífsins" og ég er ansi hræddur um það að ég framlengi þessu að hluta til út sumarið. Því ekki.
En ég lofa því að þegar að ég er orðinn gamall og rykfallinn þá ætla ég að reykja pípu og drekka glas af ódýru wiskýi á hverjum degi og hananú!

Hvað er betra en að ljúka þessu með vorvísu Steins Steinarrs

Hægur andvari
húmblárrar nætur
um hug minn fer.

Ást mína og hamingju
enginn þekkir
og enginn sér.

Og ljóð mitt ber samskonar
svip og það,
sem ekki er.

aka dú dú dú

Sat í gær og át í mig fróðleik um sociologiuna bakvið prímítív exchange og í gær sat það í mér, all verulega. Í dag er ég að lesa grein eftir Wenzel og ég skil þetta alltsaman eins og ég sjálfur hafi upplifað ningigtuq og akpallugiit og síðar skrifað greinina "the social economy of sharing", með útgangspunkt í Clyde samfélagið frá árunum... ja eigum við að segja frá 1940 til 1990.
Já í dag er sól og það er allt að ganga upp. Fótbolti á eftir, fyrst sjálfur og svo að horfa. Kvöldið verður tekið með trompi, vakna snemma á morgun og skrifa það sem ég ætla mér að segja í "innlegginu" á morgun. Auður systir kemur á morgun með Pálmari sínum, sem reyndar kemur frá Þýskalandi og stefnan er tekin á Svíþjóð á laugardag að heimsækja Þórð Hrólf, aka Tóta bró.

Árskort í Bootcamp á Íslandi kostar 75.000 krónur. Þar sem ég er að "pumpa lóðum" þarf ég að punga út hmm eitthvað í kringum 1.500 krónur fyrir þrjá mánuði sem gerir... heilar 6.000 krónur fyrir árið! Eini munurinn er sá að ég er ekki með einhvern "þjálfara" sem öskrar á mig að ég geti þetta (komasoooooo). En bíddu þá á ég 69.000 krónur eftir og hvað með frúna í Hamborg.