aaaahhrrrr rum in the bottle ... aaaaahhhhrrr 

otrulega haettulegur 

mala og mala ... allir fengu skegg 

Það var erfitt að vera til í gær og auðvitað endaði ég í kjallaranum. En langur og strangur aðdragandi jájá. Fór niður í bæ til að sjá grænlenska heimildarmynd um gleymdu börnin á Grænlandi, segir maður á eða í ? Eftir það fór ég vitaskuld á Bobis sem var alveg þarna við hliðiná og á leiðinni heim kíkti ég aðeins við í Ch Beboershus, en þar voru alveg hreint ágætir tónleikar í gangi ... neinei bull og þvæla það voru alveg hrikalegir tónleikar. Fullt af fólki á bilinu 55 til 85 að hlusta á sígauna sessíón ... alveg dauðadæmt. En það er hægt að kaupa Hancock bjór þarna og þá er allt í lagi. Eitt sem ég verð að bæta við með þessa tónleika er það að þetta var svona jam sessíón það er að segja að fólk úr salnum var að fara uppá svið að spila og þarna var ein breið og gerðarleg kona sem var allan tímann fyrir framan sviðið sveiflandi fiðlunni sinni, hún vildi svo gjarnan vera með. Loks kom röðin að henni. Hún spilaði og spilaði og tók sóló og allt þetta sem maður gerir við fiðlu pikk og plokk, síðan já síðan áttaði hún sig á því að hún var ekki tengd við neitt hljóðkerfi ... æ æ. Að sjálfsögðu kom ég við í kjallaranum þegar heim var komið. Ég drakk nú ekki meira en 6 bjóra, en þegar ég kom heim til mín var ég í þannig ástandi að halda mætti að ég væri búinn að vera að í marga daga. Rosalegt.

bjorninn st�kkar ... 

aramot ... 

Langt síðan ó já. Mikið búið að gerast ó já. Byrjaður í skólanum aftur eftir alltof langt frí. Sat áðan og var að reyna að möndla saman setningu á grænlensku ... uanga nipparsimmavimmi og svo veit ég ekki meira. Þetta kemur allt. Svo er maður að lesa um það hvernig Alaska var "gefið" aftur til þeirra sem upprunalega áttu landið. Þeir fengu hlutabréf í landinu, sem er svo rekið eins og fyriræki. Undir sömu lögum og fyrirtæki lúta(corporate law).
Sé það fyrir mér ef Íslendingar hefðu fengið hlutabréf frá Dönum á sínum tíma og þar sem ég var ekki fæddur, yrði ég að vona að forfeður mínir hefðu ekki selt sín hlutabréf og ég fengi hluta af þeim í arf. Sem myndi reyndar ekki nýtast mér þar sem maður fengi engan sérstakan aðgang að landinu sem maður ætti. Talandi um að taka þjóð í rassgatið og bæta því svo við að af félagslegum ástæðum, (áfengismisnotkun, há tíðni sjálfsvíga og atvinnuleysi) er manni ekki treyst fyrir þeim praktíska rekstri sem þurfa þykir til að "reka" land. Ó já það er rétt hið siðmenntaða vestræna samfélag lítur á frumbyggja sem börn. Æi litlu sálirnar þeir kunna ekki að nota áhöld og búa í kofum, éta fæðu sína hráa og nota ekki klósettpappír. Já sannkallaðir kjánar.