Ég er að reyna að gera einhver plön fyrir komandi Íslandsför, en hef komist að þeirri niðurstöðu að ég ætla ekki að plana neitt... ha já ég er djarfur tarfur. Ég ætla að bjóða syni mínum í hádegisverð á Horninu það er það eina sem ég er búinn að plana. Björn Rafnar veit ekki einu sinni hvað Hornið er í Reykjavík. Ég sagði bara flatbaka við hann og hann var seldur, annað verður sagt um mig, ég er farinn að missa svefn yfir því að eftir tíu daga verðum við feðgar á Íslandi. Finn það reyndar hjá eiginkonu minni að hana er farið að langa dálítið með, sérstaklega þegar ég sit með Birni og rumsa því útúr mér hvað við ætlum að gera og hverja við erum að fara að hitta og bla bla bla.
Veikindi er enn gestur á okkar heimili, Ingibjörg og Björn skelltu sér samt út til Fjalars áðan, Úlfurinn sefur og ég er að safna orku fyrir morgundaginn. Veðrið er þetta týpíska íslenska gluggaveður, sól en rok og já frekar kalt - en það er að koma vor, það hlýtur að fara að koma vor !

Það er smá breyting á plönum, þar sem allir (nema Björn) eru lagstir í flensu þá hefur það verið ákveðið að fresta Íslandsför um eina viku. Við komum sum sé þann 9. og verðum til 14.

Jæja þá er það ákveðið. Björn og ég sjálfur verðum á Íslandi frá 2 apríl, sem er miðvikudagur og fram á mánudaginn 7. apríl. Þetta þýðir það að við ætlum að reyna að hitta allt þetta góða fólk sem býr á eyjunni í norðri. Það eina er að ég er að fara að ljósmynda yfir helgina, þannig að ef fólk er með einhverjar óskir þá er endilega að senda línu. Ég veit að Björn hugsar mest um það að hitta Einar Stein og Arnald, sjálfur vill ég bara detta í það, það er svo helvíti ódýrt að drekka á Íslandi núna þar sem krónan er í botni. Nei það er nú ekki það eina sem ég vill, það er svo margt annað en það. En það er sum sé ákveðið og búið að ganga frá því. Miðvikudagur fram á mánudag, mega sega kreisí gott stöff !!