SK 8 FOUNDATION, PART 1

An almost normal saturday in the town of Sisimiut.

Big thanks to SK8 FOUNDATION and http://www.snakeandjet.dk/

without you this would not be possible...

þetta er kannski meira gert fyrir mig en aðra, ég svo gleyminn.

Dagur í lífi safnstjóra, það er þemaið núna. Eftir að ég byrjaði sem safnstjóri hérna í Sisimiut hefur heldur betur margt gerst. Núna erum við að setja upp nýja sýningu í "gömlu búðinni", þetta eru myndir frá 1930 til 1960 teknar hérna í Sisimiut og voru sýndar á safninu fyrir 6 árum síðan undir yfirskriftinni "kinaana", eða "hver er þetta?", til að safna fleiri heimildum um það fólk sem að var myndefnið. Núna nota ég sömu myndir til að sýna hvernig grænlendingar hafa í gegnum tíðina verið "heimildaðir"... er hægt að segja það, eða skráðir, hljómar ekki vel. En það gekk hreinlega út á það, að skrásetja allar þeirra venjur og siði, húsakost og verklagni. Svo ætla ég núna í haust að setja af stað söfnun, þar sem að safnið innsafnar nýrri myndum héðan frá Sisimiut, Sarfannguit og Itilleq, þar sem að heimamenn/konur eru sjálf aktörarnir. Allar myndir frá 1960 fram til þess tíma að fólk fór að nota stafrænar myndavélar, þá fara aðrir hlutir að gerast... Það verður fróðlegt að sjá hvað kemur út úr því.

Meira síðar... ég er bara alltof upptekinn í augnablikinu

Grænlandsmeistaramótið í hundasleðakeppni var haldin hérna í Sisimiut um síðustu helgi.

Já og sei, það er aldeilis mikið búið að gerast síðan síðast. Vorið er á næsta leyti, eða svona næstum því. Það er reyndar allt á kafi í snjó hérna, en sólin er farin að láta sjá sig fyrr á daginn og hangir enn uppi þegar að við erum að klára að borða kvöldmatinn, í öllum sínum roða.
Annað er það að frétta að frúin er aaaalveg að fara að fæða okkar þriðja barn, Edda móðir hennar er væntaleg hingað til Sisimiut næsta þriðjudag, þann 22.mars eða sama dag og Ingibjörg er sett.
Sjálfur var ég að klára sýningu hérna á safninu og verður hún formlega opnuð á fimmtudaginn. Allt í allt 3.532 myndir sem að ég valdi úr safninu okkar prentaði, plastaði og límdi á vegg, með góðri hjálp frá Oline, sem er skrifstofu/skúringar daman okkar hérna á safninu.
Framtíðin hérna á safninu er dálítið óljós eins og er af persónulegum ástæðum, þó ekki mínum. Nei nei ég er alveg sallarólegur og er búinn að vera það að í langan tíma, alveg búin að sætta mig við núverandi aðstæður.
Framundan er barn og námskeið í Köben í lok maí, sumarfrí í byrjun júlí og svo er eiginlega ekkert annað ákveðið. Ef við verðum hérna áfram í Sisimiut fer ég í stutta ferð til Nuuk í september, annars er maður bara að tjilla í Sisimiut.

jæja dagarnir verða langir fram að jólum, það finn ég bara á mér. Reyndar sit ég með skemmtilegt verkefni í vinnunni, en það er bara ekki nóg. Við erum búin að endurheimta snjósleðann okkar og ég hef valið að skilja hann eftir við lögreglustöðina þangað til að það fer að snjóa aftur. Annars eru bara allir að vaxa og dafna í Sisimiut þessa stundina.
Best að muna að það er fyrsti í aðventu á sunnudaginn, smákökur!