Þá er maður bara veikur ... það er ekki það sem ég get verið að skemmta mér yfir núna. Sérstaklega þar sem ég þarf að klára ákveðna hluti áður en ég kem til landsins. Ég ákvað þó að skella mér í CS í kvöld hélt að það myndi hjálpa mér í gegnum þessar vítiskvalir. Sem það og gerði ... þangað til nú. Núna sit ég hérna heima á erfitt með að halda fókus (augu) er þungur (lungu) og er með verk allsstaðar (bein). Vitleysa er þetta og svo er ég búinn að lofa mér í vinnu á morgun í öðru landi. Er eitthvað hægt að gera til að losna við þetta. Núna veit ég að ef maður er með blöðrubólgu þá á maður að drekka trönuberjasafa og simmsalabimm bólgan fer. En ég er ekki með blöðrubólgu og satt að segja er mér alveg sama um fólk með blöðrubólgu í dag. Það er bara að harka þetta af sér ... fara snemma að sofa og svoleiðis. Á morgun kemur nýr dagur með skellum við sku ... nei þetta er ekki að virka. Góða nótt ... og ef ég dey í nótt þá bið ég bara að heilsa.