það er nú bara þannig að námskeiðinu um verkefnastjórnun var frestað og verður það haldið á sama tíma og ég er á Íslandi. Dæmigert. Safnstjórinn er að fara til Nuuk á námskeið í næstu viku og eftir þrjár vikur er hún að fara til Qasigiannguit á annað námskeið um skinnverkun. Í nóvember ætlar hún í tveggja vikna frí til Danmerkur af því að hún er búinn að vinna svo mikið... á meðan að allt þetta er að gerast er ég enn á skítalaunum og fæ ekki að fara á nein önnur námskeið af því að safnið hefur hreinlega ekki efni á því. Hvað gera bændur þá? Er ekki kominn tími til að söðla um og gera eitthvað annað? það held ég barasta. Ég er allavegana ekki að sjá það fyrir mér að ég hreinlega geti setið hér og skannað í heilan vetur. Þó svo að það sé verðugt verkefni þá er það samtímis mannskemmandi, sérstaklega þegar að maður hefur ekki miðla til að koma þessu frá sér.